78 Views
ਭਾਵੇਂ ਤਾਲੇ ਵਿੱਚ ਬੰਦ ਰਿਹਾਂ ਉਮਰ ਭਰ
ਪਰ ਉਮਰ ਤਾਲੇ ਵਿੱਚ ਬੰਦ ਨਹੀਂ ਹੋਈ
ਜ਼ਿੰਦਗੀ ਖਲੌਤੀ ਰਹੀ ਤਾਲੇ ਨਾਲ ਬੱਝੀ
ਪਰ ਉਮਰ ਤੁਰਦੀ ਰਹੀ, ਨਹੀਂ ਖਲੋਈ
ਜਵਾਨੀ ਸੱਤਰੀ ਬੱਤਰੀ ਹੋ ਗਈ ਹੈ
ਖਾਹਿਸ਼ਾਂ ਦੀ ਹਰ ਅਣੀ ਹੁਣ ਤਾਂ ਸੌ ਗਈ ਹੈ
ਇੱਕ ਸ਼ੈਅ ਹੈ, ਜੋ ਅੰਦਰ ਰਹਿ ਗਈ ਹੈ
ਵਕਤ ਦੀ ਹਰ ਮਾਰ ਨੂੰ ਜੋ ਸਹਿ ਗਈ ਹੈ
ਲੜ੍ਹਨ ਦੀ ਇੱਛਾ ਜਵਾਨ ਹੈ ਹਾਲੇ
ਕਲਮ ਤਲਵਾਰ, ਤੀਰ ਕਮਾਨ ਹੈ ਹਾਲੇ
ਨਿਸ਼ਾਨੇ ਵਿੰਨ ਵਿੰਨ ਅੱਜ ਵੀ ਮਾਰਦੀ ਹੈ
ਮਿੱਤਰੋ, ਕਲਮ ਕੱਦ ਉਮਰ ਤੋਂ ਹਾਰਦੀ ਹੈ
…………
ਗਜਿੰਦਰ ਸਿੰਘ, ਦਲ ਖਾਲਸਾ ।
11.1.2023
Author: Gurbhej Singh Anandpuri
ਮੁੱਖ ਸੰਪਾਦਕ
